من وحي الصورة ....

رح اكتب بالعامية اليوم او هاي المرة لانها اللغة الي بقدر استوعبها بشكل افضل وهي

بتسمعني فيها كثير منيح منتواصل دايما فيها انا وستي والارض ....

على شان انا بحس باصوات الارض دايما بتنادي علي وبتحكي معي بعرفش

اذا حد مرة سمع صوتها الدافي الهمس تبعها........ يا الله يااااااااااااااه....

الارض هاي المسلوبة المنهوبة الملياني طاقة وامل واكمل منيك محتلينها ومستعمرينها .....

بفكر انو ليش كل العالم عندها وطن وانا لا ليش كل الدنيا مستقرة

وانا لا ليش في حرية وانا لا ليش انا مستعمر محتل.....

مين بعطيهم الحق بسلب ارضي وطني كياني وجودي ذاتي ....

الله...الدين...الناس...الامم...كلهم مع بعض ...

بس حتى لو كلهم اعطوهم شرعية باغتصاب الارض وقتل العبد ...

بتذكر لما ماتت ستي كنت يوميتها نايم عند رامي فلسطيني صاحبي بالاردن

كنا هداك اليوم الصبح نصور بمخيم البقعة ولما اجاني الخبر ووصلت بعرفش كيف على الناصري ما لقيت ستي لقيتها صارت رايحة بس كانت روحها عم تستناني لتودعني محمولة برسالة :

"بالتاكيد انك لم تجدني،انا في السماء،ابحث عني جيدا ،سوف تجدني..

بالتأكيد يوما ما سنلتقي يا بني، لكن حذار ان تستسلم وتسلم بنفسك وبارضك ، تسع وخمسون سنة لم ارَ اخوتي وها هي ستون عام ولم ارَ إخوتي،بقيت يتيمهً ستون عاما ، بُني ، مهما طال الظلم سوف يحل العدل، وصحاب الارض هم الي برجعوها "

يعني اذا صاحبة الارض هيك بتوصيني وضميري الانساني هيك كمان بحكيلي

والارض بتنادي علي كل الوقت قادر اسمعها .....

فش حد بمتلك الشرعية انو يقرر عنها حق مصيرها مصيرنا مصيرهم

الي راحو والي هون وغاد والمشتتين ولاجئين .....

والحلو بالقصة انو فش حد جايب سيرتنا .....لا بمعاهدة سلام ولا بوثيقة حقوق انسان ....بفكر انو احنا مش على سلم الاولويات .....تصفينا من 62 سنة ..كلو بدو يزاود علينا ... ويتاجر فينا ...يمكن صرنا قضية من لا قضية له ... ..بعرفش على شو بتفاوضوا بالزبط ...اي دولة واي دولتين واي شعبين...لاجئين..ولا 67 ولا 48 هههه مسخرة ....! مش لاقيين بشو يشتغلو ....شغالين فينا ....!

يمكن بعرفش ... بالتقسيط بحاولو يحكولنا اشي رسالة معينة بس مش زابطة معهم ......بعدني بحاول استوعب شو الي عم بصير بحاول افهم شو الي صار وليش انا هون اليوم بهدا المحل بالذات ....ليش مش قابل اترك هدا المكان ....مع انو الدنيا تغيرت من 62 سنة لليوم .....يمكن لاني بحس بمسؤلية تجاه الانسان الي راح والي جاي ....يمكن..المكان بحمل كثير ذكريات بتربطني ..بعرفش اسئلة صعبة صح ! بعرفش ليش لازم ارضى بالوضع ....انو مفروض علي ارضى ولا اقول لأ ...! وشو الثمن اذا قررت اقول لأ ....! اكيد في ثمن لازم ادفعو ممكن تكون ح..... انو شو هل انسانية الي اجت علي فجأة ....توصلت لمحل اني احكي فيو الحياة هاي هي كذبة كبيرة ....كلو بكذب على كلو ....فش حد بدو يحكي الحقيقة ...!

ومن هون اجت هاي الكلمات الحقيقية الي ما فيها ولا حبة تجميل للواقع او تلطيف للمتحل ، بعرفش اذا في حد انسان يعني محتل ومستعمر وملعون شرفو بتغزل بالاحتلال ، كنت احس الصورة عم بتقاوم عم بتحرر ذاكرتنا منهم/وتحرر نفسنا / انسانا / كيانا / وجودنا / ارضنا .....

لذلك بعرفش اذا هاي قصيدة او شعر او حتى لغة مكسرة المهم الي بعرفو اني بعبر عن حالي بهاي الكلمات والي هي من وحي الصورة .... .

اهداء الى امي الارض - والى روح جدتي التي لم ولن تهدئ قبل ان تتحر حتى اخر ذرة تراب من هذه الارض ...

من وحي الصورة .....

كيف لا تصبح صوري ألغام
ورصاصا تصب وتصهر ....
على مستعمري هذه الأرض...
و أزهارا لأطفالها الصغار ....

...............................

كيف لا تصبح صوري ألغام
ورصاصا تصب وتصهر ....
على مستعمري هذه الأرض...
و أزهارا لأطفالها الصغار ....

...............................

ونداء الأرض الأرض....
أقول لك يا ارض لبيك .......
يا ارض لبيك لبيك.....

هنا بين بقايا تاريخهم المنقرض....
...تنبت الصخور من جديد ...
من بين جذور أشجارهم.....
... تنبت البيوت والبيدر .....

...............................

من بين حقول ألغامهم ....
...تنبت حقول قمحنا الأخضر ......
من بين الدم المسفوك من جرائمهم ....
....تسيل دموع الأنهر لتغسل بمائها الطاهر
الأرض وتنقيها من الدنس ...

فتمحو ذاكرت الأمة صور قد التقطت بعيني غازينها والمتآمرين عليها ....

وتستبدلهم بصور التحرير لربوع بلادنا وقد سقيت بدماء الشهداء...