حين تندمج كفات سواعدها بتراب الارض ...عندها لا استطيع سوا الوقوف جانباَ واختلاس النظر والتجسس للاحاديث السرية بين الارض وجدتي ..رومانسية الفلاحة الفلسطينية الإبنة ...الزوجة ...الام ...الاخت ...العمة ...الخالة... والانثى ... وذلك الانسان التي تتجانس حبات التراب بقطرات العرق المتساقطة من جبينها لتشكل لنا اجيالاً من التضحية خلفتها عطائها وصمودها ...
جدتي ذات ال ٨٦ ربيعاً , حيث بدأت علاقتها بالارض في سن السادسة او لثامنة وبعدها كان لهما عهد بعدم الافتراق ...
فهي تنتظر الوعد بان يتحقق باتحادهما واندماجهما سويتاً جسداهما وروحمها ا ذات يوم..
- بنات اليوم بعرفو شو قيمة الارض ؟!... الارض هي العرض قديش العرض غالي بس الارض اغلى . الارض فلسطينية عربية ما بفرط فيها ولا بتساوم عليها ليوم لقيامة .. لو حكومة اسرائيل كلها تيجي لهون بتقدرش اطلعني منها هي وجيشها لاني انا صاحبة الارض والحق ....وما ببدلها بجبال ذهب هون خلقت وهون بموت وهون بندفن ...
- بعد بدكم تسمعوا كمان ...
- خلص اتصور فيي شو بدك بهل حكي الفاضي ....
- يا ستي بزبطش هيك شو بدي احكي لولادي ... بدي اعرفهم على امي الحقيقية الي ربتني الي خلتني احب هاي الارض .... الي اعطتني اغلى شي الي مش ممكن اخدو من اي انسان ثاني ... انت موروثي الانساني مش بس الثقافي والوطني ..
- طيب طيب بدل ما اضلك تسال فيي روح اقلعلك اكمن عرق فول احسنلك من لوقوف وحط الكاميرا على جنب ....
..ما فيني احكي كمان لانو بهاي اللحظة في كثير اشياء جواتي عم تتحرك
رح ضل اصور هدا الانسان والمكان وهاي البلد لحد ما الله يوخد امانتوا ...
بقدرش اقلك غير .... فوَل الفول .... يا ستي الحجة رح اضل احبك ...
حفيدك المحب
وليد حمدان
+of+DSC_1507.jpg){kind=small}